Таниқли испаниялик журналист Килиан Мбаппенинг жорий мавсумдаги натижалари бундан ҳам ҳайратланарли бўлиши мумкин эди, деб ҳисобламоқда.
Сешанба куни франциялик ҳужумчи «Алавес»га қарши баҳсда (2:1) гол уриб, жамоасининг ғалабасига ҳисса қўшди. 27 ёшли юлдузнинг жорий мавсумдаги кўрсаткичи барча мусобақаларда 40 та ўйинда 41 та голга етди. Шундай бўлса-да, ESPN журналисти Хавьер Родригес Паскуаль унинг самарадорлиги ҳақида танқидий фикр билдирди.
«Мбаппе 40 та гол урди, лекин аслида 80 та уриши керак эди. У жуда кўп вазиятлар яратади, лекин шу билан бирга, уларнинг кўпини кўкка совуради», — деди Паскуаль.
Ҳозирда Килиан Мбаппе 24 та гол билан Ла Лига тўпурарлар пойгасида пешқадамлик қилмоқда.
