«Манчестер Юнайтед» собиқ ярим ҳимоячиси Поль Погба Манчестер клубидаги илк фаолияти давомида нима сабабдан жамоани тарк этиш ҳақида ўйлаб қолганини сўзлаб берди.

«Бир сафар «Блэкберн»га қарши ўйинда таркибда ярим ҳимоячилар қолмаганди. Ўшанда Пак Жи Сун ва Рафаэль марказда ўйнашган. Мен биринчи бўлим давомида ва иккинчи бўлимнинг 17-дақиқасигача чигал ёзди машқларини бажардим, лекин барибир майдонга туширилмадим. Ўшанда ўзимга: «Агар улар менга ишонишмаса, клубдан кетишим мумкин», деб айтганман», — деди Погба Рио Фердинанднинг подкастида.

Маълумот учун, Поль Погба «Манчестер Юнайтед» сафида икки даврда — 2011–2012 ва 2016–2022 йилларда тўп сурган. У «қизил иблислар» либосида барча турнирларда жами 233 та ўйинда майдонга тушиб, 39 та гол ва 51 та голли узатмага муаллифлик қилган.