«Манчестер Юнайтед»нинг собиқ ярим ҳимоячиси Поль Погба Франция терма жамоасида бирга тўп тепган «Реал»нинг собиқ ҳужумчиси Карим Бензема ҳақидаги фикрлари билан ўртоқлашди.
«Карим Бензема ажойиб эди. Унинг ўйинини кузатганимда, у голларга унчалик ёпишиб олмаганини кўраман. У ҳеч қандай муаммосиз пас бериши мумкин, лекин унинг тўпга тегиниши, кичик паслари, вазиятни якунлаши — у билан ўйнаш жуда осон», — деди Погба Рио Фердинанднинг подкастида.
Ҳозирги вақтда Карим Бензема «Ал-Ҳилол» шарафини ҳимоя қилмоқда. У шу йилнинг февраль ойида «Ал-Иттиҳод»дан эркин агент сифатида ушбу клубга ўтган ва 2027 йилнинг 30 июнигача шартнома имзолаган эди.
Жорий мавсумда француз футболчиси барча турнирларда 29 та ўйинда майдонга тушиб, 24 та гол урди ва 4 та голли узатмани амалга оширди.
