«Реал Мадрид» вингер Франко Мастантуонони ижарага бериш имкониятини кўриб чиқмоқда.
Marca нашрининг хабарига кўра, Мадрид клуби 18 ёшли аргентиналикнинг истеъдодига шубҳа қилмаяпти, бироқ футболчи барқарор ривожланиши учун унга талаб камроқ бўлган муҳитда оралиқ босқич зарур деб ҳисобламоқда. Айни дамда «Реал» Мастантуонони Эндрикнинг мисолидагидек ижарага юбориш вариантини жиддий кўриб чиқмоқда, аммо ўз келажаги бўйича якуний қарорни Франконинг ўзи қабул қилади.
Мастантуоно ўтган йилнинг ёзида «Ривер Плейт»дан 45 миллион евро товон пули эвазига «Реал»га ўтган эди. Жорий мавсумда 18 ёшли вингер Ла Лиганинг 18 та ўйинида битта гол урди.
