«Real Madrid» vinger Franko Mastantuononi ijaraga berish imkoniyatini ko‘rib chiqmoqda.
Marca nashrining xabariga ko‘ra, Madrid klubi 18 yoshli argentinalikning iste’dodiga shubha qilmayapti, biroq futbolchi barqaror rivojlanishi uchun unga talab kamroq bo‘lgan muhitda oraliq bosqich zarur deb hisoblamoqda. Ayni damda «Real» Mastantuononi Endrikning misolidagidek ijaraga yuborish variantini jiddiy ko‘rib chiqmoqda, ammo o‘z kelajagi bo‘yicha yakuniy qarorni Frankoning o‘zi qabul qiladi.
Mastantuono o‘tgan yilning yozida «River Pleyt»dan 45 million yevro tovon puli evaziga «Real»ga o‘tgan edi. Joriy mavsumda 18 yoshli vinger La Liganing 18 ta o‘yinida bitta gol urdi.













