«Ноттингем Форест» ярим ҳимоячиси Эллиот Андерсон фаолиятини топ-клубда давом эттириши мумкин.

The Athletic нашрининг хабарига кўра, «Манчестер Юнайтед» хавбек билан шартнома имзолашга қизиқиш билдирмоқда. Футболчи ўзининг ўйин услуби туфайли «қизил иблислар»нинг ёзги трансферлар учун асосий нишонига айланди. Бироқ, «ўрмончилар» хўжайини Эвангелос Маринакис «МЮ» олдига қатъий шарт қўйди — у Эллиотни 144 миллион евродан камига сотишга тайёр эмас.

Эллиот Андерсон 2024 йилда «Ньюкасл»дан «Ноттингем»га 41 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи «ўрмончилар» сафида барча турнирларда 43 та ўйинда майдонга тушиб, 2 та гол урди ва 3 та голли узатмани амалга оширди.