«Реал» бош мураббийи Альваро Арбелоа жамоа ҳимоячиси Даниэль Карвахальнинг клубдаги ҳолати ҳақида ўз фикрлари билан ўртоқлашди.

«Карвахаль Жаҳон чемпионатига боришга тўлиқ тайёр, мен ундан мамнунман ва у миллий терма жамоа учун ҳам муҳим футболчи бўлиши керак деб ҳисоблайман. У билан муносабатларимиз доимо яхши бўлган, мен унга ҳар доим илиқлик, ҳурмат ва ҳайрат билан қараганман.

Карвахальнинг «Реал»да қолишини истайманми? Сиз бу ҳақда сўраганингизда, мен доим бир хил жавоб бераман: бу клуб ва Дани ўртасидаги масала. Карвахаль ва «Реал» учун нимаики яхши бўлса, бу мен учун ҳам яхшидир», — деди Арбелоа матбуот анжуманида.

Даниэль Карвахальнинг «Реал» билан шартномаси 2026 йилнинг 30 июнига қадар мўлжалланган. Шу ёзда ҳимоячи эркин агентга айланиши мумкин.