Италиянинг «Милан» клуби ҳимоячиси Страхинья Павлович бош мураббий Массимилиано Аллегрининг услуби ўзига хос жиҳатлари нимада эканлигига тўхталди. Футболчининг сўзларига кўра, мутахассис майда деталларга жуда эътиборли.
«У — тактик даҳо. Аллегри футболчиларни майдонда тўғри жойлаштириш ва ҳимояланиш вақтида улар орасидаги масофани тўғри белгилашни жуда яхши билади. Мана шу кичик деталлар катта фарқни юзага келтиради. Бу жиҳатларни талқин қилишда у энг яхшисидир», — дея Павловичнинг сўзларини келтиради pianetamilan.it.
Эслатиб ўтамиз, Массимилиано Аллегри ўтган йилнинг ёзида «Милан» бошқарувини қўлга олган эди. Аввалроқ мутахассис ўтган ўн йилликнинг биринчи ярмида ҳам ушбу клубда фаолият юритган.
