Римнинг «Рома» клуби бошқарув кенгаши маслаҳатчиси Клаудио Раньери яқин орада ўз лавозимини тарк этади. Бу ҳақда инсайдер Фабрицио Романо маълум қилди.
Аввалроқ хабар қилинганидек, бунга жамоа бош мураббийи Жан Пьеро Гасперини билан муносабатлардаги келишмовчилик сабаб бўлган. Томонлар трансфер сиёсати борасида бир тўхтамга кела олмаган: мураббий таркибдан норози бўлган, Клаудио Раньери эса барча трансферлар биргаликда тасдиқланганини таъкидлаган. Мавсум охиридаги беқарор натижалар бу зиддиятни янада кучайтирган.
33 турдан кейин А серия жадвалида «Рома» 58 очко билан 6-ўринни эгаллаб турибди. Жан Пьеро Гасперини жамоани 2025 йил ёзидан бери бошқариб келмоқда.
73 ёшли Клаудио Раньери 2024 йил ноябрида «Рома»га қайтган ва ўтган мавсум якунигача ишлаган эди. У аввал ҳам 2009–2011 йилларда ва 2019 йил март-июнь ойларида римликларни бошқарган.













