Афсонавий бразилиялик собиқ футболчи Кафу ҳамюрти Неймарнинг фаолияти ҳақида ўз фикрларини билдириб ўтди. Ўтган йилнинг бошида юлдуз ҳужумчи ўзининг қадрдон клуби — «Сантос»га қайтган эди ва ҳозирда у ерда фаолиятига якун ясамоқда деб ҳисобланади. Февраль ойида «Барселона» ва «ПСЖ» собиқ футболчиси 34 ёшни қарши олди.
«Фақатгина истеъдоднинг ўзи доим ҳам етарли эмас. Менда Неймар, Месси ёки Роналдудаги каби иқтидор бўлмаган, аммо мен интизом ва диққат-эътибор туфайли муваффақиятга эришганман. Агар Неймарда мендаги, Месси ёки Роналдудаги каби интизом бўлганида эди, у барча рекордларни янгилаган бўларди», — дея икки карра Жаҳон чемпиони Кафунинг сўзларини келтирмоқда Al Nassr Zone.
Неймар бўлажак мундиалга боришни режалаштирмоқда, бироқ тахминларга кўра, Карло Анчелотти уни турнир учун якуний қайдномага киритиши даргумон.
