Англия Премьер-лигаси грандлари «Сандерленд» ярим ҳимоячиси Ноа Садики учун кураш олиб бормоқда. Transfer News Live нашрининг The Journal’га таяниб хабар беришича, айни дамда 21 ёшли футболчи учун пойгада «Челси» клуби «Арсенал» ва «Манчестер Юнайтед»ни ортда қолдириб, пешқадамлик қилмоқда.
Конголик истиқболли футболчининг муваффақиятларини, шунингдек, «Эвертон» ва «Тоттенхэм» клублари ҳам кузатиб боришмоқда. Transfermarkt портали мутахассислари Ноа Садикининг бозор қийматини 30 миллион еврога баҳоламоқда.
АПЛнинг жорий мавсумида ўйинчи «Сандерленд» сафида 28 та ўйинда майдонга тушиб, битта голли узатмани амалга оширди. Ўтган йилнинг ёзида «қора мушуклар» ушбу хавбекни Бельгиянинг «Юнион Сент-Жиллуаз» клубидан 17 миллион евро эвазига сотиб олган эди.
