Агар ҳужумчи Душан Влахович «Ювентус» билан шартномасини узайтирмаса, «Милан» ва «Бавария» уни эркин агент сифатида ўз сафига қўшиб олишга ҳаракат қилиши мумкин, деб хабар бермоқда Sky Sports.
Манбага кўра, 26 ёшли сербиялик футболчининг шартномаси билан боғлиқ ноаниқлик давом этаётгани сабабли, унинг номзоди кўплаб муҳокамаларга сабаб бўлмоқда.
Влахович 2022 йилнинг январидан бери «Ювентус» шарафини ҳимоя қилиб келмоқда, унинг амалдаги келишуви 2026 йил 30 июнгача мўлжалланган. 2025/26 йилги мавсумда у 18 та ўйинда майдонга тушиб, 6 та гол урди ва 2 та голли узатмани амалга оширди.
Transfermarkt портали футболчининг трансфер қийматини 35 миллион еврога баҳоламоқда.
