Туркиялик ҳужумчи Кенан Йилдиз Италия чемпионатининг 34-тури доирасидаги «Милан»га қарши муҳим баҳсни ўтказиб юбориши мумкин.
Нуфузли италиялик журналист Жанлука ди Марционинг хабар беришича, футболчи кеча жамоанинг машғулотини ўтказиб юборган. Шунингдек, сербиялик ҳужумчи Душан Влахович ҳам ушбу машғулотда иштирок этмаган.
Бошқа тарафдан, бир қатор футболчилар (Эмиль Хольм, Василие Аджич, Кефрен Тюрам ва Маттиа Перин) соғайиб сафга қайтишди ва Лучано Спаллетти уларнинг хизматидан фойдаланиши мумкин. Ҳозирда «Милан» турнир жадвалида иккинчи ўринни эгаллаб турибди, туринликлар эса тўртинчи поғонада боришмоқда.
