Клаудио Раньери «Рома» маслаҳатчиси лавозимини ўз хоҳиши билан эмас, балки клуб раҳбарияти томонидан ишдан бўшатилгани сабабли тарк этганини маълум қилди.
«Клуб билан катта маслаҳатчи сифатидаги муносабатларим тўхтатилиши клубнинг бир томонлама қарори натижаси бўлди. Мен буни бурч ҳисси, ҳаракатларнинг шаффофлиги, ҳақиқатга содиқлик ва иккинчи теримга айланган либосга бўлган муҳаббатим юзасидан айтмоқдаман. Шунингдек, Фридкинлар оиласига (Рим клуби хўжайинлари), жамоага, ходимларга ва барча «жалоросси» мухлисларига кўп йиллар давомида кўрсатилган ва доимо ўзаро бўлган чексиз меҳр учун миннатдорчилик билдирмоқчиман. Олға, «Рома», абадий!» — дея Раньерининг сўзларини келтиради La Gazzetta dello Sport.
Аввалроқ Corriere della Sera нашри италиялик мутахассис ва жамоа бош мураббийи Жан Пьеро Гасперини ўртасида узоқ давом этган низо бўлгани ҳақида хабар берган эди.
74 ёшли Раньери Рим клубини 2009 йилдан 2011 йилгача, 2019 йилда ва 2024 йилдан 2025 йилгача бошқарган, шундан сўнг мураббийлик фаолиятини якунлаган эди.
