«Штутгарт» ярим ҳимоячиси Анджело Штиллер «Ювентус»нинг қизиқишлари доирасига тушди. Журналист Николо Скиранинг хабар беришича, Турин клуби 25 ёшли футболчини потенциал трансфер мақсадлари рўйхатига киритган.

«Бьянконери» Германия терма жамоаси аъзоси учун Англия Премьер-лигаси вакиллари билан курашишга тайёр. Аввалроқ Анджело Штиллерга Мадриднинг «Реал» клуби ҳам қизиқиш билдираётгани ҳақида маълумотлар тарқалган эди.

Машҳур Transfermarkt портали экспертлари ярим ҳимоячининг нархини 45 миллион еврога баҳоламоқда. Жорий мавсумда «шваблар» етакчиси барча турнирларда 47 та ўйинда майдонга тушиб, 2 та гол ва 10 та голли узатмага муаллифлик қилди.