«Манчестер Юнайтед» шарафини ҳимоя қилаётган словениялик ҳужумчи Беньямин Шешко жамоанинг ўйини ва ундаги ўз ўрни ҳақида фикр билдирди.
«Менимча, биз аъло даражада ҳаракат қиляпмиз. Олдинда яна бир нечта ўйин қолди, лекин биз вазифани уддалаяпмиз деб ҳисоблайман. Жамоамизда ажойиб руҳият шаклланган. Мен кўп нарса ўрганяпман ва тажриба орттиряпман. Бу ерда юқори савияли футболчилар ва кучли мураббийлар штаби йиғилган», — дея Шешконинг сўзларини келтиради Sky Sports.
Шешко «қизил иблислар» сафига 2024 йилги ёзги трансфер ойнасида Германиянинг «РБ Лейпциг» клубидан келиб қўшилган эди. Инглиз жамоаси либосида 22 ёшли ҳужумчи барча турнирларда 30 та учрашув ўтказиб, ўз ҳисобига 10 та гол ва битта голли узатмани ёздириб қўйди.
Шешконинг «Манчестер Юнайтед» билан амалдаги шартномаси 2030 йилгача мўлжалланган.
