«Ливерпуль» ярим ҳимоячиси Кёртис Жонс «Астон Вилла» қизиқишлари доирасига тушди. Бу ҳақда Football Insider нашри хабар бермоқда.
Манба берган маълумотларга кўра, «Астон Вилла» ёзги трансфер ойнасида таркибни жиддий равишда қайта қуришни режалаштирмоқда ва Жонс кучайиш учун асосий номзодлардан бири сифатида кўрилмоқда. «Ливерпуль» ҳам ўз футболчисини қўйиб юборишга қарши эмас, чунки мерсисайдликлар мавсум якунлангач таркибни «тозалашни» мақсад қилишган.
Қайд этилишича, 25 ёшли Жонснинг хизматларига «Астон Вилла» бош мураббийи Унаи Эмери шахсан қизиқиш билдирмоқда.
Жорий мавсумда хавбек барча турнирларда 44 та ўйинда майдонга тушиб, иккита гол ва иккита голли узатмани ўз ҳисобига ёздириб қўйди.
