«Манчестер Сити» ва Испания терма жамоаси ярим ҳимоячиси Родри ҳозирги футбол тақвимини кескин танқид қилди. У DAZN эфиридаги «Premier Corner» кўрсатувида иштирок этиб, ушбу мавзу билан боғлиқ хотираларини ўртоқлашди.
«Биз ғалаба қозонган Европа чемпионати якунланганида, мен руҳан ва жисмонан бутунлай чарчаган эдим. Бу менга жисмоний ҳолатдан кўра кўпроқ ментал томонлама зарба берди — мутлақ толиқишни ҳисобга олган ҳолда, олдинда мени нималар кутаётганини тасаввур ҳам қила олмасдим. Ёки мен тўхташим керак, ёки 32 ёшгача футболда "яшай олмайман". Тананинг ўз чегараси бор, барчамизнинг яроқлилик муддатимиз мавжуд», — деди Родри.
Эслатиб ўтамиз, 2024 йилнинг сентябрида Родри ўнг тиззасидаги олдинги хочсимон боғламларини узиб олган ва бу жароҳат уни 2024/25 йилги мавсумнинг деярли барча қисмидан маҳрум қилган эди. Ўша йили «Олтин тўп»ни топшириш маросимига футболчи қўлтиқтаёқда келганди.
