«Manchester Siti» va Ispaniya terma jamoasi yarim himoyachisi Rodri hozirgi futbol taqvimini keskin tanqid qildi. U DAZN efiridagi «Premier Corner» ko‘rsatuvida ishtirok etib, ushbu mavzu bilan bog‘liq xotiralarini o‘rtoqlashdi.
«Biz g‘alaba qozongan Yevropa chempionati yakunlanganida, men ruhan va jismonan butunlay charchagan edim. Bu menga jismoniy holatdan ko‘ra ko‘proq mental tomonlama zarba berdi — mutlaq toliqishni hisobga olgan holda, oldinda meni nimalar kutayotganini tasavvur ham qila olmasdim. Yoki men to‘xtashim kerak, yoki 32 yoshgacha futbolda "yashay olmayman". Tananing o‘z chegarasi bor, barchamizning yaroqlilik muddatimiz mavjud», — dedi Rodri.
Eslatib o‘tamiz, 2024 yilning sentyabrida Rodri o‘ng tizzasidagi oldingi xochsimon bog‘lamlarini uzib olgan va bu jarohat uni 2024/25 yilgi mavsumning deyarli barcha qismidan mahrum qilgan edi. O‘sha yili «Oltin to‘p»ni topshirish marosimiga futbolchi qo‘ltiqtayoqda kelgandi.
