Каталониянинг «Барселона» клуби Испания чемпионатида тўхтатиб бўлмас темп намойиш этмоқда. Ханси Флик шогирдлари Ла Лиганинг 32-тури доирасида «Хетафе»ни мағлуб этиб, кетма-кет тўққизинчи ғалабасини қўлга киритди.
«Кўк-анорранглилар» 22 февралдан буён ички чемпионатдаги барча ўйинларда зафар қучиб келмоқда. Ушбу икки ойлик муваффақиятли серия давомида жамоа рақиблар дарвозасига 23 та тўп киритиб, ўз дарвозасидан атиги 5 та гол олиб чиқди.
«Барселона» 2 май куни «Осасуна»га қарши майдонга тушса, 10 май куни Мадриднинг «Реал» клубига қарши марказий баҳсда иштирок этади.
