«Тоттенхэм» бош мураббийи Роберто де Дзерби «Вулверхэмптон» устидан қозонилган ғалабадан (1:0) сўнг ўз фикрларини билдирди.
«Мен АПЛда қола олишимизга ишонаман. Биз 10 очкога ортда қолаётганимиз йўқ — «Вест Хэм»дан икки очко масофадамиз. Уларда яхши жамоа бор, лекин бизда ҳам худди шундай. Энг муҳими — футболчиларнинг маҳорати ва инсонийлик даражаси. Бу мен учун кутилмаган совға бўлди, чунки мен уларни аввал билмасдим. Уларни яқинроқдан танигач, лигада қолиш учун имкониятимиз борлигини тушундим», — дея де Дзербининг сўзларини келтиради BBC.
Айни дамда «Тоттенхэм» Англия чемпионати турнир жадвалида 18-ўринни эгаллаб турибди. Де Дзерби жамоаси навбатдаги ўйинини 3 май куни сафарда «Астон Вилла»га қарши ўтказади.
