«Ливерпуль» шанба куни «Кристал Пэлас»ни 3:1 ҳисобида мағлуб этди. Мерсисайдликлар ҳужумчиси Муҳаммад Салоҳ иккинчи бўлим давомида жароҳат сабабли алмаштирилди.

Афтидан, Салоҳда мушаклар билан боғлиқ муаммо юзага келган. Шу боис, мисрлик футболчи «Ливерпуль» учун бошқа майдонга тушмаслиги мумкин деган хавотирлар пайдо бўлмоқда. Гап шундаки, АПЛ мавсуми якунида атиги бир ой вақт қолди. «Қизиллар» яна тўртта учрашув ўтказишади — рақиблар: «Манчестер Юнайтед», «Челси», «Астон Вилла» ва «Брентфорд».

Яқин орада Муҳаммад Салоҳ албатта тиббий кўрикдан ўтади. Эслатиб ўтамиз, яқинда Салоҳ мавсум якунида «Ливерпуль»ни тарк этиши расман эълон қилинган эди.