«Liverpul» shanba kuni «Kristal Pelas»ni 3:1 hisobida mag‘lub etdi. Mersisaydliklar hujumchisi Muhammad Saloh ikkinchi bo‘lim davomida jarohat sababli almashtirildi.
Aftidan, Salohda mushaklar bilan bog‘liq muammo yuzaga kelgan. Shu bois, misrlik futbolchi «Liverpul» uchun boshqa maydonga tushmasligi mumkin degan xavotirlar paydo bo‘lmoqda. Gap shundaki, APL mavsumi yakunida atigi bir oy vaqt qoldi. «Qizillar» yana to‘rtta uchrashuv o‘tkazishadi — raqiblar: «Manchester Yunayted», «Chelsi», «Aston Villa» va «Brentford».
Yaqin orada Muhammad Saloh albatta tibbiy ko‘rikdan o‘tadi. Eslatib o‘tamiz, yaqinda Saloh mavsum yakunida «Liverpul»ni tark etishi rasman e’lon qilingan edi.
