«Бавария» кузатув кенгаши аъзоси Карл-Хайнц Румменигге клуб Майкл Олисени 200 миллион еврога сотиш-сотмаслиги ҳақидаги саволга жавоб берди.

Унинг сўзларига кўра, 2009 йилда «Челси» Франк Рибери бўйича таклиф юборган эди. Ўша келишув ўша давр тарихидаги рекордга айланиши мумкин эди, бироқ «Бавария»даги узоқ муҳокамалардан сўнг бир қоида ўрнатилган: асосий футболчиларни сотмаслик.

«Бу норасмий қоида шу кунгача амал қилиб келмоқда. Олисе каби ўйинчи учун бизни иккилантира оладиган нархнинг ўзи йўқ», — дея функционернинг сўзларидан иқтибос келтирмоқда журналист Жулиан Буль.

Жорий мавсумда 24 ёшли Олисе барча мусобақаларни ҳисобга олганда 46 та ўйинда майдонга тушиб, 19 та гол урди ва 29 та голли узатмага муаллифлик қилди.