«Реал Мадрид» Килиан Мбаппенинг сонининг орқа мушагидан жароҳат олганини тасдиқлади.
Ҳужумчи ўтган жума куни Ла Лига доирасидаги «Бетис»га қарши ўйинда (1:1) шикастланган эди – у 80-дақиқада захирага олинишини сўраган. Аввалроқ Мбаппеда сонининг орқа мушаги толиқиши кузатилаётгани хабар қилинганди.
Бугунги тиббий кўрик натижаларига кўра, француз футболчисининг чап сони ярим пай мушаги жароҳатлангани ташхис қўйилди.
Marca нашрининг маълумотларига кўра, Мбаппе Ла Лиганинг 34-тури доирасида якшанба куни бўлиб ўтадиган «Эспаньол»га қарши ўйинни аниқ ўтказиб юборади, бироқ 10 май куни «Барселона»га қарши баҳсда майдонга тушиш учун бор имкониятини ишга солади.
