Англия Премьер-лигасининг 34-туридан ўрин олган сўнгги учрашувда «Брентфорд» сафарда «Манчестер Юнайтед»га имкониятни бой берди. Ушбу мағлубият меҳмонлар бош мураббийи Кит Эндрюсни қаттиқ хафа қилди.

Мутахассиснинг фикрича, унинг шогирдлари ижобий натижа учун қўлдан келган барча ишни қилишган.

«Жуда қаттиқ хафаман. Умуман олганда, ўйинимиз ёмон чиқмади, баҳснинг катта қисмида назорат биз томонда бўлди. Бироқ рақиб ҳужумларни якунлашда совуққонроқ ва шафқатсизроқ ҳаракат қилди, биз эса уларни кўп вазиятларда кечирдик», — дея Эндрюснинг сўзларини келтиради BBC Sport.

Ҳозирда «Брентфорд» Англия чемпионати турнир жадвалида тўққизинчи ўринни эгаллаб турибди.