Мюнхеннинг «Бавария» клуби бош мураббийи Венсан Компани Чемпионлар лигаси ярим финали доирасидаги «ПСЖ»га қарши ўйин олдидан рақиб жамоа устози Луис Энрикенинг ишига юқори баҳо берди.
«Энрике ақл бовар қилмас ишни амалга оширмоқда. Ўтган йили уларнинг Чемпионлар лигасида ғолиб чиққани мени ажаблантирмади. Луис Энрике жамоаларида ҳақиқий жамоавий руҳ борлиги кўриниб туради. Унинг футболчилари майдонда тинимсиз югуришади ва курашишади. У ўз жамоаларида доим шунга эриша олади. Мен уни жуда ҳурмат қиламан», — деди Компани журналистлар билан суҳбатда.
Эслатиб ўтамиз, «ПСЖ» ва «Бавария» ўртасидаги дастлабки учрашув бугун, 28 апрелдан 29 апрелга ўтар кечаси Тошкент вақти билан соат 00:00 да старт олади.
