Myunxenning «Bavariya» klubi bosh murabbiyi Vensan Kompani Chempionlar ligasi yarim finali doirasidagi «PSJ»ga qarshi o‘yin oldidan raqib jamoa ustozi Luis Enrikening ishiga yuqori baho berdi.
«Enrike aql bovar qilmas ishni amalga oshirmoqda. O‘tgan yili ularning Chempionlar ligasida g‘olib chiqqani meni ajablantirmadi. Luis Enrike jamoalarida haqiqiy jamoaviy ruh borligi ko‘rinib turadi. Uning futbolchilari maydonda tinimsiz yugurishadi va kurashishadi. U o‘z jamoalarida doim shunga erisha oladi. Men uni juda hurmat qilaman», — dedi Kompani jurnalistlar bilan suhbatda.
Eslatib o‘tamiz, «PSJ» va «Bavariya» o‘rtasidagi dastlabki uchrashuv bugun, 28 apreldan 29 aprelga o‘tar kechasi Toshkent vaqti bilan soat 00:00 da start oladi.
