«ПСЖ»нинг грузиялик ярим ҳимоячиси Хвича Кварацхелия Чемпионлар лигасининг асосий босқичида Мюнхеннинг «Бавария» клубига қарши кечган баҳсни ёдга олди. 2025 йилнинг ноябрь ойида парижликлар ўз майдонида рақибга 1:2 ҳисобида имкониятни бой берган эди.
«Ўша ўйин ёдимда, биз рақиб даражасида ўйин кўрсата олмагандик, бундан ташқари жароҳатлар ҳам панд берганди. Бироқ иккинчи бўлимда ҳар қандай ишни уддалай олишимизни ва уларни мағлуб этишга қодирлигимизни кўрсатдик. Фақатгина керакли голларни ура олмадик холос», — дея футболчининг сўзларини келтиради УEФА матбуот хизмати.
Қуръа жамоаларни мусобақанинг плей-офф босқичида яна тўқнаш келтирди. Ярим финалнинг илк учрашуви 28 апрель куни Парижда бўлиб ўтса, жавоб ўйини 5 май куни Мюнхенда ўтказилади.
