УEФА ва ФИФА тоифасидаги машҳур ҳакамлардан бири Британия полицияси томонидан вояга етмаган шахсга нисбатан номақбул ҳаракатлар содир этганликда гумонланиб қўлга олинди. Бу ҳақда The Sun нашри хабар бермоқда.
Тергов версиясига кўра, воқеа меҳмонхонанинг умумий ҳудудида содир бўлган. Ҳакам ўсмир қиз билан суҳбатлашиб, унга нисбатан тегажоғлик қилган ва ўз хонасига таклиф этган. Жароҳатланган томоннинг мурожаатидан сўнг полиция иш бошлаган. Қизиғи шундаки, арбитр воқеадан сўнг навбатдаги еврокубок ўйинини бошқаришга улгурган ва ортга қайтгач, УEФА вакиллари кўз ўнгида қўлга олинган. Ҳозирда у гаров эвазига қўйиб юборилган.
Маълум қилинишича, ушбу ҳакам ЖЧ-2026 баҳсларини бошқариш учун тасдиқланган рўйхатдан ўрин олган эди. ФИФА ва УEФА тергов якунлангунга қадар арбитрни барча турдаги расмий учрашувлардан четлатишга қарор қилди. Ҳозирча ҳакамнинг исми-шарифи тергов манфаатлари юзасидан ошкор этилмаяпти.
