Аргентинанинг «Сан-Лоренсо» клубининг Неймар исмли ёш мухлиси Жанубий Америка кубоги доирасидаги ўйин олдидан «Сантос» ҳужумчиси Неймар билан учрашиш бахтига муяссар бўлди. Бу ҳақда OneFootball нашри хабар бермоқда.
Учрашув Бразилия жамоаси тўхтаган «Интерконтиненталь» меҳмонхонасида бўлиб ўтди. Маълум бўлишича, болакай бразилиялик юлдузнинг ашаддий ишқибози ҳисобланади. Унинг ота-онаси фарзандининг исмини машҳур футболчи шарафига ўзгартиришга иккиланиб ўтиришмаган. Самимий руҳда кечган учрашув якунида Неймар ўз исмидошининг либосига дастхат қолдирди.
Эслатиб ўтамиз, «Сан-Лоренсо» ва «Сантос» ўртасидаги баҳс 29 апрель куни Буэнос-Айресдаги «Педро Бидеген» стадионида бўлиб ўтади. Айни дамда аргентиналиклар гуруҳда пешқадамлик қилишмоқда, «Сантос» эса сўнгги ўринда бормоқда.
