Хулиан Альварес ёзги трансфер бозорида «Барселона»нинг асосий мақсади бўлиб турибди. Бироқ, Каталония клубининг молиявий ҳолати «Атлетико»нинг юлдуз ҳужумчисини сотиб олиш йўлида тўсқинлик қилмоқда.
Журналист Хосе Альвареснинг хабар беришича, «Атлетико» Альвареснинг трансфери учун камида 120 миллион евро олмоқчи. «Барселона» эса бунинг учун 70 миллион евро таклиф қилишга тайёр.
Ҳозирда клублар ўртасида иккала томон билан ҳам яхши алоқага эга бўлган воситачилар ишламоқда. Таъкидланишича, мадридликларнинг эътиборини «Барселона»нинг баъзи футболчилари ўзига тортган — эҳтимол, улар келишувнинг бир қисмига айланиб, 26 ёшли Альвареснинг якуний нархига таъсир қилиши мумкин.
