Мадриднинг «Реал» клуби тарбияланувчиси, марказий ҳимоячи Виктор Вальдепеньяс фаолиятини Германия Бундеслигасида давом эттириши мумкин. Бу ҳақда Испаниянинг Diario AS нашри хабар бермоқда.
Маълумотларга кўра, 19 ёшли испаниялик футболчи Франкфуртнинг «Айнтрахт» клуби трансфер нишонига айланган. Немис клуби раҳбарияти аллақачон амалий ҳаракатларни бошлаган ва музокаралар ижобий руҳда давом этмоқда.
Вальдепеньяс «қаймоқранглилар»нинг асосий жамоасида 2025 йилнинг декабрь ойида дебют қилган эди. «Алавес»га қарши ўтказилган ўша учрашув ҳозирча ёш ҳимоячи учун асосий таркибдаги ягона ўйин бўлиб турибди. Нуфузли Transfermarkt портали футболчининг трансфер қийматини 5 миллион еврога баҳолаган.
