Мадриднинг «Атлетико» клуби бош мураббийи Диего Симеоне Хулиан Альвареснинг келажаги ҳақида кескин фикр билдирди.

«Хулианнинг ўзи бу ҳақда нима деб ўйлашини мен қаердан билай? Унинг фикрларини тушуниш учун миясининг ичига кириб ололмайман-ку. Албатта, «Арсенал», «Пари Сен-Жермен» ва «Барселона» каби грандларнинг унинг трансферига қизиқиш билдираётгани табиий ҳол. У жаҳон даражасидаги ўйинчи».

Эслатиб ўтамиз, Хулиан Альварес 2024 йилнинг ёзида 75 миллион евро эвазига «Манчестер Сити»дан «матрасчилар» сафига ўтган эди. Ўтган вақт давомида у мадридликлар таркибида 104 та ўйинда майдонга тушиб, 48 та гол урди ва 17 та голли узатмага муаллифлик қилди.