«Атлетико» ҳужумчиси Антуан Гризманн Чемпионлар лигаси ярим финали доирасидаги «Арсенал»га қарши баҳс олдидан 2016 йилги турнир финали ҳақида гапириб ўтди.
Ўшанда «Атлетико» бош соврин учун кечган ҳал қилувчи ўйинда пенальтилар сериясида «Реал»га имкониятни бой берган эди. Гризманн учрашувнинг 48-дақиқасида 11 метрлик жарима зарбасини амалга оширишда хатога йўл қўйганди.
«Мен бу ҳақда ҳар куни ўйламайман, лекин қачонки дўстларим ёки жамоадошларим билан Чемпионлар лигаси ҳақида гаплашсак, ўша лаҳза — 2016 йил ва пенальти албатта ёдга тушади.
Бу финалдаги ғалаба жуда чуқур жароҳатни даволаган бўларди. Бу вазиятдан чиқиб кетишнинг ягона йўли — турнирда шу йил ғолиб чиқишдир», — дея Гризманннинг сўзларини келтиради УЕФА расмий сайти.
«Атлетико» ва «Арсенал» ўртасидаги дастлабки ярим финал учрашуви 29 апрель куни Мадридда бўлиб ўтади.
Маълумот учун, 2026 йилнинг ёзида Гризманн АҚШнинг МLS лигасида иштирок этувчи «Орландо Сити» клубига ўтади.
