«Тоттенхэм» ҳужумчиси Доминик Соланке «Вулверхэмптон»га қарши кечган сўнгги ўйинда жароҳат олди. Лондон клуби ҳозирча футболчининг ҳолати ҳақида маълумотларни очиқлагани йўқ. Соланке борасидаги янгиликлар билан Роберто Де Дзерби жума кунги матбуот анжуманида ўртоқлашиши кутилмоқда.
The Telegraph нашрига маълум бўлишича, дастлабки тиббий кўрик Соланкеда тизза ости пайининг иккинчи даражали жароҳати бўлиши мумкинлигини кўрсатган. Бундай жароҳатдан тикланиш муддати уч ҳафтадан саккиз ҳафтагача давом этиши мумкин.
Шу тариқа, Соланке мавсумнинг қолган қисмини ўтказиб юбориши эҳтимоли бор. Бундан ташқари, ушбу жароҳат ҳужумчининг Жаҳон чемпионатида иштирок этиш орзуларига чек қўйиши мумкин. Эслатиб ўтамиз, март ойида Соланке Англия терма жамоасига чақирилган эди.
