«Бавария» устози Венсан Компани Чемпионлар Лигаси ярим финали доирасида «ПСЖ»га қарши кечган дастлабки ўйинда (4:5) вингер Майкл Олисенинг кўрсатган ўйини ҳақидаги саволга жавоб берди. 24 ёшли француз мюнхенликларнинг парижликлар дарвозасига йўллаган тўртта голидан бирига муаллифлик қилди — у 41-дақиқада ҳисобни 2:2 кўринишига келтирган эди.

«Чемпионлар Лигаси ярим финаллари шуни кўрсатадики, энг яхши футболчилар ҳал қилувчи паллада доим ўзларининг бор имкониятларини намойиш этишади ва курашишдан тўхташмайди. Майкл ҳайратланарли даражада ажойиб ўйин кўрсатди, лекин биз асосий мақсадимизга эришишимиз, яъни финалга чиқишимиз керак», — деди Компани матбуот анжуманида.

Майкл Олисе Чемпионлар Лигасининг жорий мавсумидаги 12 та учрашувда ўз ҳисобига жами 5 та гол ва 7 та голли узатмани ёздириб қўйди.