Италиянинг «Фиорентина» клуби бош мураббий Паоло Ваноли билан хайрлашади, ОАВ буни аллақачон ҳал бўлган масала сифатида ёзмоқда. Шунингдек, клуб раҳбарияти Ванолининг ўрнида кўришни истаган мутахассислар ҳам маълум — булар айни дамда «Сассуоло»ни бошқараётган Фабио Гроссо ҳамда Римнинг «Лацио» клубида фаолият юритаётган Маурицио Сарридир.
Хорижлик мураббийни таклиф қилиш — иккинчи даражали вариант сифатида кўрилмоқда. Ҳозирда клуб Италия чемпионати турнир жадвалида 15-ўринни эгаллаб турибди, ваҳоланки айнан Ваноли қўл остида жамоанинг ишлари ижобий томонга ўзгара бошлаган эди.
