Бугун бўлиб ўтган ЕЧЛ плей-офф босқичининг 5та жавоб ўйинидан кейин ўз иштирокини ЕЧЛ ва Европа лигасида давом эттирадиган жамоалар номи маълум бўлди. Кўпчиликнинг эътибори Глазго қаратилгани сир эмас.

Ўз майдонида “Селтик”ни 2:0 ҳисобида мағлуб этган Қозоғистоннинг “Шахтёр” жамоаси ЕЧЛнинг гуруҳ босқичига чиқиш учун қаттиқ кураш олиб борди. Майдон эгалари биринчи бўлимнинг компенсация вақтидагина дастлабки голни уришга муваффақ бўлишди. Иккинчи бўлим бошида эса шотландлар иккинчи голни ҳам уриб, ҳисобни тенглаштиришди.

Иккинчи бўлим ўрталарида қарағандаликлар 2та ўта қулай имкониятдан фойдалана олишмади. Биринчи вазиятда “Селтик” футболчиси дарвоза чизиғи устидан қайтариб қолган бўлса, иккинчи вазиятда дарвоза тўсини мезбонлар жонига оро кирди.

Иккинчи бўлимга қўшиб берилган дақиқаларнинг иккинчисида эса маҳоратли европаликлар ўзларининг учинчи голларини уриб, ЕЧЛ масаласини қўшимча бўлимларга (ва балки пенальтилар сериясига) қолдиришмади.

Мағлубиятга қарамай, “Шахтёр” Европа лигасининг гуруҳ босқичида иштирок этади.

ЕЧЛ, Плей-офф, жавоб учрашувлари
«СЕЛТИК» (Шотландия) – «Шахтёр» (Қарағанда, Қозоғистон) - 3:0 (1:0)
Голлар: 1:0 – 45 Коммонс, 2:0 – 48 Самарас. 3:0 – 90+2 Форрест
Биринчи ўйин: 0:2

«Марибор» (Словения) – «ВИКТОРИЯ ПЛЬЗЕНЬ» (Чехия) - 0:1 (0:1)
Гол: 0:1 – 3 Тецл.
Биринчи ўйин: 1:3

«РЕАЛ СОСЬЕДАД» (Испания) – «Лион» (Франция) - 2:0 (0:0)
Голлар: 1:0 – 67 Вела, 2:0 – 90 Вела.
Биринчи ўйин: 2:0

«МИЛАН» (Италия) – ПСВ (Голландия) - 3:0 (1:0)
Голлар: 1:0 – 9 К. Боатенг, 2:0 – 55 Балотелли, 3:0 – 77 К. Боатенг.
Биринчи ўйин: 1:1

«ЗЕНИТ» (Россия) – «Пасуш де Феррейра» (Португалия) - 4:2 (1:0)
Голлар: 1:0 – 30 Данни, 2:0 – 48 Данни, 3:0 – 66 Бухаров, 3:1 – 67 Мануэл Жозе, 4:1 – 78, пенальти Аршавин, 4:2 – 83 Карлао.
Биринчи ўйин: 4:1.