Мадриднинг «Атлетико» клуби дарвозабони Ян Облак Чемпионлар лигаси ярим финали доирасидаги «Арсенал»га қарши кечган илк учрашувдан (1:1) сўнг ўз таассуротлари билан ўртоқлашди.

«Бу ҳар икки жамоа учун жуда кескин баҳс бўлди. Иккала томон ҳам ғалаба қозонишни истаганди. Ўйлайманки, биз яхши ўйин кўрсатдик. Ҳисоб 1:1 ва энди ҳаммаси келаси ҳафта Лондонда ҳал бўлади. Биз у ерда аввалроқ қабул қилиб олинган 0:4 ҳисобидаги мағлубият ҳақида ўйламаймиз. Ишонаманки, бу гал мутлақо бошқача ўйин бўлади. Яхши натижа қайд этиш ва финалга чиқиш учун бор кучимизни ишга соламиз.

Ҳозирча соврин ҳақида ўйлаётганимиз йўқ — аввало жавоб баҳсида муносиб иштирок этишимиз керак. «Арсенал» ҳам ЕЧЛда зафар қучишни истайди. Бизнинг вазифамиз эса аввал уларнинг тўсиғидан ўтишдир», — дея Облакнинг сўзларини келтирмоқда TNT Sports.