Англиянинг «Манчестер Юнайтед» клуби «Милан» ҳужумчиси Рафаэл Леауни ўз сафига қўшиб олиш учун жиддий қадам ташламоқда. La Gazzetta dello Sport нашрининг хабар беришича, «қизил иблислар» Италия клубига ўзига хос алмашинув вариантини таклиф қилишни режалаштирмоқда.

Манбага кўра, Манчестер клуби раҳбарияти Леау трансферига Мануэль Угарте, Маркус Рэшфорд ва Жошуа Зиркзее каби футболчилардан бирини (ёки бир нечтасини) қўшишни кўриб чиқмоқда. Бундан ташқари, «МЮ» португалиялик футболчи учун қўшимча пул товони тўлашга ҳам тайёр.

Рафаэл Леау 2019 йилда Франциянинг «Лилль» клубидан 49 миллион евро эвазига «Милан»га ўтган эди. Унинг «россонерилар» билан амалдаги шартномаси 2028 йилнинг 30 июнига қадар мўлжалланган.

Жорий мавсумда 26 ёшли ҳужумчи «Милан» сафида барча мусобақаларда 28 та ўйинда майдонга тушиб, ўз ҳисобига 10 та гол ва 3 та голли узатмани ёздириб қўйди.