«Атлетико» ҳужумчиси Антуан Гризманн Чемпионлар лигаси ярим финали доирасида «Арсенал»га қарши кечган илк баҳс (1:1) ҳақида гапирди.

Ўйин ҳақида

«Иккинчи бўлимни интенсивлик ва прессинг жиҳатидан анча яхши ўтказдик. Жавоб ўйини учун айнан шу нарса керак. Бу ажойиб ўйин бўлади. Уйдан ёки стадиондан кузатаётганлар учун буни томоша қилиш осон бўлмайди, лекин футболнинг гўзаллиги ҳам шунда».

Танаффус олдидан ўтказиб юборилган гол ҳақида

«Биринчи бўлим охирида гол ўтказиб юбориш оғриқли бўлди. Биз прессингни кучайтириш ва позицияларни ўзгартириш учун икки-учта тактик тузатишлар киритдик ва бу ҳал қилувчи рол ўйнади. Кейин эса мухлисларимиз бизни ҳақиқатан ҳам олдинга ундашди».

Голли вазиятлар ҳақида

«Менда учта имконият бўлди, лекин гол ура олмадим. Иккинчи ўйинда буни уддалашимга ишончим комил. Барчамиз ажойиб меҳнат қилдик ва энди бор эътиборимизни жавоб учрашувига қаратишимиз керак».

Жавоб ўйини ҳақида

«Менинг энг катта орзум — финалга чиқиш. Мен ушбу ўйинга ва иккинчи баҳсга жуда кўп тайёргарлик кўрдим ва умид қиламанки, биз бунга эриша оламиз», — деди Гризманн.

Эслатиб ўтамиз, жавоб ўйини 5 май куни Лондонда бўлиб ўтади.