Қироллик Испания футбол федерацияси (RFEF) Япония футбол ассоциацияси (JFA) билан ҳамкорлик шартномасини имзолади.
Мазкур воқеа Халқаро футбол федерациясининг (ФИФА) 76-конгресси бўлиб ўтаётган Ванкувер шаҳрида ташкилот президенти Рафаэль Лузан ва унинг ҳамкасби Цунеясу Миямото ўртасидаги учрашувда юз берди.
Ҳамкорлик келишуви доирасида томонлар келгуси тўрт йил давомида аёллар футболи, футзал, пляж футболи, ёшлар футболини ривожлантириш, ҳакамлик, тиббий хизмат кўрсатиш ва турли спорт турларидаги инновациялар каби соҳаларда ўзаро тажриба ҳамда мутахассислар алмашиш мажбуриятини олдилар.
Бундан ташқари, ушбу келишув Испания ва Япония ўртасида турли йўналишлар ва тоифалар, жумладан, аёллар терма жамоаси ҳамда футзал бўйича миллий терма жамоалар иштирокида халқаро ўйинлар ташкил этилишига хизмат қилади.
