«Фулхэм» бош мураббийи Марку Силва «Арсенал»нинг даражаси ҳақида ўз фикрлари билан ўртоқлашди. Жамоалар ўртасидаги учрашув шанба куни Премьер-лига доирасида бўлиб ўтади. Ўйин Тошкент вақти билан соат 21:30 да бошланиши режалаштирилган.
«Арсенал» — чемпионлик учун курашаётган топ-жамоа. Ҳатто ўзларининг энг яхши футболини намойиш этмаган тақдирда ҳам, улар рақибни кўплаб турли усуллар билан жазолашга қодир. Бундай жамоага қарши ўйнаш жуда қийин. Улар ихчам ҳаракат қилишади, тўпсиз ҳам тинимсиз меҳнат қилишади ва кам жой қолдиришади», — деди Силва ўйин олдидан.
Микель Артета жамоаси 34 турдан кейин 73 очко билан турнир жадвалида пешқадамлик қилмоқда, «даччилар» эса 48 очко билан ўнинчи ўринда бормоқда.
