«Бавария» бош мураббийи Венсан Компани Бундеслига доирасидаги «Хайденхайм»га қарши ўйин олдидан ўтказилган матбуот анжуманида 28 апрель куни Чемпионлар лигасида «ПСЖ»дан қабул қилинган мағлубият (4:5) ҳақида тўхталиб ўтди.
«Мен доим ҳам ҳамма нарсани оқ ёки қора деб ҳисобламайман. Мен учун Парижда содир бўлган воқеалар мантиқийдир.
Албатта, мен гол ўтказиб юбормасликни хоҳлардим — бу бизнинг доимий вазифамиз. Масалан, Германия Кубоги доирасидаги «Байер»га қарши ўйинда (2:0) буни аъло даражада уддалаган эдик.
Агар «ПСЖ» билан ўйинда содир бўлган воқеаларни мантиқан таҳлил қилсак, бу тўлиқ кутилган натижа эди.
Биз ғалаба қозонишни ва бунинг учун қўлимизда бор воситалардан фойдаланишни истаймиз. Бу мантиқан тўғри. Энг муҳими — шу йўл билан ғалаба қозониш мумкинлигига бўлган ишончдир.
Биз ютқазишни истамаймиз. Лекин бу бизни янада кучли қилади. «ПСЖ» ҳеч қачон ўзига Чемпионлар лигасида ғалаба олиб келган ўйин услубини ўзгартирмаган», — деди Венсан Компани.
