«Арсенал» бош мураббийи Микель Артета Англия чемпионати доирасидаги «Фулхэм»га қарши ўз майдонида кечадиган баҳс олдидан ўз кайфияти билан ўртоқлашди.
«Мен бор эътиборимни "Фулхэм"га ва ғалаба қозониш истагига қаратганман. Рақобатлашиш, ўйнаш ва ютиш истагига. Орзуимиз амалга ошишига янада яқинроқ бўлиш истагига. Футболчиларнинг кўзида нимани кўряпман? Ғалабага бўлган чанқоқни. Ютиш истагини, вассалом. Мақсадга эришиш истагини», — деди Артета журналистларга.
Ҳозирда «Арсенал» Премьер-лигада «Манчестер Сити»ни уч очкога ортда қолдирган ҳолда пешқадамлик қилмоқда. Шу билан бирга, лондонликлар битта кўп ўйин ўтказишган. Эслатиб ўтамиз, «Арсенал» охирги марта 2004 йилда Англия чемпиони бўлган эди.
