Марказий ҳимоячи Эмерик Лапорт «Манчестер Сити»ни «Ан-Наср» клубига алмаштирган даврларини ёдга олди. Испаниялик футболчи «шаҳарликлар» сафида беш йил давомида тўп тепган ва 2023 йилда Саудия Арабистонига йўл олган эди.
«Мен кетганимдан афсусландим, чунки дунёнинг энг яхши клубида эдим. У ерда футболчилар ҳақида қайғуришлари — шунчаки ноёб ҳодиса. Вақт ўтиши билан бунга ўрганиб қоларкансан, оддий ҳолдек қабул қиларкансан, лекин кетганингдан кейин бу қанчалик ажойиб бўлганини англаб етасан.
«Манчестер Сити»дан чин дилдан миннатдорман. Бу клуб ҳақида биронта ҳам ёмон гап айта олмайман. Мен учун бу унутилмас тажриба ва ҳаётимдаги энг яхши дамлардан бири бўлиб қолади», — дея Лапортнинг сўзларини келтирмоқда Al Nassr Zone.
Эслатиб ўтамиз, ўтган йили футболчи ўз фаолиятини бошлаган жамоаси «Атлетик» Бильбаога қайтиб келган эди.
