«Пари Сен-Жермен» ҳужумчиси Гонсалу Рамуш жорий мавсум якунланганидан кейин жамоани тарк этиши мумкин. Португалиялик футболчининг кетиши борасидаги миш-мишларни инсайдер Фабрицио Романо тасдиқлаб, бундай истиқболни «тўлиқ реал» деб атади.

Ҳужумчи ўйин амалиёти етишмаётганига қарамай, бор эътиборини футболга қаратган ва «ПСЖ» унинг профессионализмини юқори баҳолайди. Бироқ, агар ёзда бошқа бир клуб футболчига асосий таркибдан жой кафолатласа, томонлар хайрлашиши мумкин.

Transfermarkt портали Рамушнинг трансфер қийматини 35 миллион еврога баҳоламоқда. Жорий мавсумда 24 ёшли футболчи Луис Энрике жамоаси сафида 41 та учрашувда майдонга тушиб, 12 та гол урди ва 2 та голли узатмани амалга оширди.