«Ливерпуль» ҳужумчиси Салоҳ собиқ бош мураббий Юрген Клопп қандай қилиб «қизиллар»дан барча турнирларда ғолибликка даъвогарлик қиладиган жамоа шакллантира олгани ҳақида гапириб берди.
«Менимча, у футболчиларни бошқаришни биларди, ваҳоланки бу жуда қийин иш. Тажриба орттирганинг сари футболчини бошқариш нақадар мураккаб эканини тушуниб борасан. Кийиниш хонасида ҳам шундай — биздаги каби юлдузлар жамоасини бирдек мотивацияда ушлаб туриш осон эмас. Назаримда, унинг бахти кулган эди, чунки ҳаммамиз ишлашни, ғалаба қозонишни хоҳлардик ва у бизни мажбурлашига ҳожат қолмасди. Ҳар биримиз буюк натижаларга эришишни истардик. Бундан ташқари, футболчилар ўртасида ажойиб алоқа бор эди», — деди Салоҳ TNT Sports Football нашрига берган интервьюсида.
Юрген Клопп бошчилигида «Ливерпуль» Англия лига кубоги (икки марта), Англия суперкубоги, мамлакат кубоги, АПЛ, Чемпионлар лигаси, УЕФА суперкубоги ва клублар ўртасидаги жаҳон чемпионатида ғолиб чиққан.
