Мадриднинг «Реал» клуби дарвозабони Тибо Куртуа «Барселона»га қарши ўйинда иштирок этишга тайёргарлик кўрмоқда. Бельгиялик посбон март ойидан бери майдонга тушмаётган эди, бироқ тез орада сафга қайтади.
Diario AS нашрининг хабар беришича, дарвозабон бўлажак «Эл-Класико»гача зарур спорт формасини тиклашга улгуради. 33 ёшли футболчининг реабилитация жараёни муваффақиятли ўтди. 3 май куни «қаймоқранглилар» «Эспаньол»га қарши баҳс олиб боришади, «Барселона» билан тўқнашув эса бир ҳафта ўтиб, 10 май куни бўлиб ўтади.
Альваро Арбелоа жамоаси Ла Лига чемпионлиги учун имкониятларини деярли йўқотган: чемпионат якунига беш тур қолганда «кўк-анорранглилар» билан орадаги фарқ 11 очкони ташкил этмоқда. Тибо Куртуа жорий мавсумда барча турнирлар доирасида 41 та ўйинда майдонга тушиб, 39 та гол ўтказиб юборди.
